Окт 06

არჩილ თალაკვაძე — ვენეციის კომისიას ბონუსის სისტემა იურიდიულ ხარვეზად არ დაუდგენია

ბონუსის სისტემასთან დაკავშირებით ვენეციის კომისიას იურიდიული სახის კონტრარგუმენტები არ ჰქონდა — ბონუსის მექანიზმის გაუქმების გადაწყვეტილება მიღებულია ფართო შეთანხმების მიღწევის მიზნით, — ამის შესახებ   საპარლამენტო უმრავლესობის ლიდერმა არჩილ თალაკვაძემ განაცხადა.

ვენეციის კომისია როგორც პირველად დასკვნაში, ასევე დღეს მიღებულ დოკუმენტში საკონსტიტუციო რეფორმას დადებითად აფასებს. ჩვენ შეთანხმებული გვაქვს და აუცილებლად შევასრულებთ პირობას, რომ გავაუქმოთ ბონუსები და დავტოვოთ საარჩევნო ბლოკები ერთჯერადად — 2020 წლის საპარლამენტო არჩევნებისთვის. ბონუსის სისტემასთან დაკავშირებით ვენეციის კომისიას იურიდიული სახის კონტრარგუმენტები არ ჰქონდა და ეს სისტემა იურიდიულ ხარვეზად არ დაუდგენია. ბონუსების გაუქმების გადაწყვეტილება მიღებულია მხოლოდ და მხოლოდ იმისთვის, რომ ამით მმართველმა პარტიამ გადადგა კომპრომისული ნაბიჯი, უფრო ფართო შეთანხმების მიღწევის მიზნით. სამწუხაროდ, პოლიტიკურ პარტიებთან პრეზიდენტმაც კი ვერ მოახერხა რაიმე შეთანხმების მიღწევა, იმის მიუხედავად, რომ მათ ეს საკითხი აწუხებდათ და შეცვლას ითხოვდნენ”, — განაცხადა თალაკვაძემ.

Окт 06

ცვლილებები საქართველოს კონსტიტუციაში — ვენეციის კომისია საბოლოო დასკვნას ხვალ გამოაქვეყნებს

ხვალ ვენეციის კომისია საქართველოს კონსტიტუციაში დაგეგმილი ცვლილებების შესახებ საბოლოო დასკვნას დაამტკიცებს. პლენარულ სხდომას საქართველოს პარლამენტის თავმჯდომარე დაესწრება, რომელიც ვენეციის კომისიის წევრებს საქართველოს კონსტიტუციის ახალ რედაქციას გააცნობს.

მსჯელობაში მონაწილეობას მიიღებს საქართველოს პრეზიდენტის საპარლამენტო მდივანიც.

“ჩვენ უკვე გვქონდა შეხვედრა ვენეციის კომისიის ხელმძღვანელობასთან, სადაც განვიხილეთ მთელი პროცესი და ის რეკომენდაციები, რომლებიც ვენეციის კომისიას გააჩნია. დავუდასტურეთ ასევე, მზაობა იმასთან დაკავშირებით, რომ ბლოკების ერთჯერადად დაშვება და ბონუსის ამოღება უმრავლესობის მხრიდან, არის ძალაში და თუ ეს არ მოხერხდება, პრეზიდენტის ვეტოში ამის გათვალისწინება, მაშინ უმრავლესობა მზად არის ამის ხელახლა ინიცირებისთვის, რასაც მოყვა რა თქმა უნდა, მოწონება ვენეციის კომისიის მხრიდან,“ — განაცხადა პარლამენტის თავმჯდომარის კაბინეტის უფროსმა ნიკა სამხარაძემ.

Окт 06

სერტიფიცირებულ ექიმებს, შესაძლოა, ხელახალი სერტიფიცირების გავლა მოუწიოთ

მომავალი წლიდან ქართველ ექიმებს კვალიფიკაციის დასადასტურებლად, შესაძლოა, სერტიფიცირების გავლა მოუწიოთ, — ამის შესახებ პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარემ, აკაკი ზოიძემ   განაცხადა.

ზოიძის ინფორმაციით, კომიტეტი ჯანდაცვის სამინისტროსთან და ექიმთა ასოციაციებთან ერთად მუშაობს დიპლომისშემდგომი განათლების შესახებ კანონპროექტზე და შესაძლოა ის მომავალი წლიდან ძალაში შევიდეს. მისი განცხადებით, სახელმწიფოს მიდგომაა, სამედიცინო შეცდომის პრევენციაზე გააკეთოს აქცენტი და არა იმაზე, რომელი ექიმი დაისაჯოს და სერტიფიკატის მოქმედება შეუჩერდეს. „კომიტეტი მუშაობს პოსტდიპლომირებული განათლების კონცეფციაზე. სამინისტროსთან ერთად ვიხილავთ ამ საკითხს“, — აცხადებს ზოიძე.

მისივე თქმით, ის სტატისტიკური მონაცემი, რომ 2017 წელს სამედიცინო რეგულირების სააგენტომ 157 ექიმს პროფესიული პასუხისმგებლობა დააკისრა, ხოლო 67-ს სერტიფიკატის მოქმედება შეუჩერა, „ჯანდაცვის სისტემის შესაბამისია“.

„თუ არ ვცდები დაახლოებით იგივე მონაცემებია, რაც გასულ წელს იყო. საქართველოსთვის ეს ბევრია თუ ცოტა, ძნელი სათქმელია. მაგალითად, ამერიკის შეერთებულ შტატებში 35 ათასი სამედიცინო შეცდომა ხდება ყოველწლიურად. გასაგებია, რომ იქ მოსახლეობის რაოდენობა მეტია, მაგრამ სამედიცინო მომსახურების ხარისხიც განუზომლად მაღალია. ჩვენთანაც, ჩემი აზრით, ის სტატისტიკური მონაცემები შესაბამისია იმასთან, რა მასშტაბის ჯანდაცვის სისტემაც გვაქვს და რამდენი ექიმიც გვყავს.

20 ათასამდე ექიმი გვყავს საქართველოში. მოქმედი, აქტიური ექიმი 12 ათასია და აქედან 67-ს შეუჩერდა სერტთიფიკატის მოქმედება. ეს საერთო რაოდენობის 1პროცენტიც არ არის. ჩემი აზრით, უფრო მეტი სამედიცინო შეცდომა ხდება, მაგრამ აქ უკვე ეფექტიანობის სისტემაზეა საუბარი. ყველას ვერ დასჯი, ძირითადად, მაინც სამედიცინო შეცდომის პრევენციაზე უნდა იყოს აქცენტი და არა რეაგირება ამ შეცდომაზე, რომ დავსაჯოთ ექიმი, შევუჩეროთ სერტიფიკატის მოქმედება, დავაყენოთ მისი დისციპლინური პასუხისმგებლობის საკითხი“, — აცხადებს ზოიძე.

ჯანდაცვის კომიტეტის თავმჯდომარე პრობლემიდან გამოსავალს დიპლომისშემდგომი განათლების კონცეფციის სრულყოფაში ხედავს და აცხადებს, რომ აუცილებელია ექიმის კვალიფიკაციის საკითხი მუდმივად გადამოწმდეს. „მთავარია, დიპლომისშემდგომი განათლების კონცეფციის სრულყოფა, რაც რამდენიმე წლის წინ გააუქმეს. ბოლოს ის კორუფციის ელემენტი იყო სისტემაში, მაგრამ დღეს არ შეიძლება და არც ერთ ქვეყანაში არ არის მსოფლიოში, რომ ერთხელ მივცეთ ექიმს სერტიფიკატი მთელი ცხოვრებით და შემდგომ არც განათლება დასჭირდეს, არც პროფესიული უნარ-ჩვევების ამაღლება. დღეს არ ხდება მისი პროფესიის გადამოწმება. არადა, ეს არის პირი, რომელსაც ყოველდღიურად უხდება ადამიანის სიცოცხლესთან შეხება.

 

საკითხის მოგვარება მთელ მსოფლიოში ან თვითრეგულირებით ხდება, ან სახელმწიფოს მეშვეობით. შესაბამისად, ჩვენთვის პრიორიტეტია პოსტ დიპლომირებული განათლების და პროფესიული განვითარების სისტემის სრულყოფა. ყოველ 5 წელიწადში იქნება თუ როგორ, ამაზე ასოციაციებთან და სამინისტროსთან ერთად ვიმუშავებთ. მთავარია, რომ მაქსიმალურად უზრუნველვყოთ განათლებული, პროფესიონალი ექიმები გვყავდეს, რომელთა ყველა ჩვევა შესაბამის სიმაღლეზე იქნება და არ მოგვიხდება სანქციების დაკისრება, სასამართლოში წასვლა და მათ შეცდომაზე ასე რეაგირებაზე. ამაზე მუშაობა დაწყებულია და ამ თვეში სამოქმედო გეგმის პრეზენტაციასაც გავაკეთებთ, თუ რაზე ვიმუშავებთ მომავალ წელს.

ჩვენი მიდგომა გულისხმობს გარკვეული ინტერვალით გამოცდების ჩატარებას, პრაქტიკული ან ქულების სისტემის ჩამოყალიბებას. ამის პრაქტიკა მსოფლიოში არის, სადაც ხდება სერტიფიკატის დადასტურება, რომ ექიმის უნარ-ჩვევები და კვალიფიკაცია კვლავ შეესაბამება იმ დონეს, რომელიც მას სჭირდება იმისთვის, რომ პაციენტის სიცოცხლე საფრთხეში არ ჩააგდოს.

სამინისტროსთან ერთად ვმუშაობთ კანონზე, ძალიან მასშტაბური კანონპროექტი იქნება, სადაც დელიკატური საკითხებიც შევა. 2000-იან წლებში იყო მსგავსი სისტემა, მაგრამ კორუფციის წყაროდ იქცა და იმის ნაცვლად, რომ სისტემა გაესწორებინათ, გააუქმეს. მომავალ წელს დიდი შანსია, რომ კანონიც გვქონდეს, მაგრამ ამისთვის პარლამენტმაც უნდა დაგვიჭიროს მხარი. ჩვენს სამოქმედო გეგმაში ეს საკითხი უკვე არის, ჯერი პარლამენტზეა“, — განაცხადა ზოიძემ.

Окт 06

აკაკი ზოიძე — სერტიფიცირებულ ექიმებს, შესაძლოა, ხელახალი სერტიფიცირების გავლა მოუწიოთ

მომავალი წლიდან ქართველ ექიმებს კვალიფიკაციის დასადასტურებლად, შესაძლოა, სერტიფიცირების გავლა მოუწიოთ, — ამის შესახებ პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარემ, აკაკი ზოიძემ   განაცხადა.

ზოიძის ინფორმაციით, კომიტეტი ჯანდაცვის სამინისტროსთან და ექიმთა ასოციაციებთან ერთად მუშაობს დიპლომისშემდგომი განათლების შესახებ კანონპროექტზე და შესაძლოა ის მომავალი წლიდან ძალაში შევიდეს. მისი განცხადებით, სახელმწიფოს მიდგომაა, სამედიცინო შეცდომის პრევენციაზე გააკეთოს აქცენტი და არა იმაზე, რომელი ექიმი დაისაჯოს და სერტიფიკატის მოქმედება შეუჩერდეს. „კომიტეტი მუშაობს პოსტდიპლომირებული განათლების კონცეფციაზე. სამინისტროსთან ერთად ვიხილავთ ამ საკითხს“, — აცხადებს ზოიძე.

მისივე თქმით, ის სტატისტიკური მონაცემი, რომ 2017 წელს სამედიცინო რეგულირების სააგენტომ 157 ექიმს პროფესიული პასუხისმგებლობა დააკისრა, ხოლო 67-ს სერტიფიკატის მოქმედება შეუჩერა, „ჯანდაცვის სისტემის შესაბამისია“.

„თუ არ ვცდები დაახლოებით იგივე მონაცემებია, რაც გასულ წელს იყო. საქართველოსთვის ეს ბევრია თუ ცოტა, ძნელი სათქმელია. მაგალითად, ამერიკის შეერთებულ შტატებში 35 ათასი სამედიცინო შეცდომა ხდება ყოველწლიურად. გასაგებია, რომ იქ მოსახლეობის რაოდენობა მეტია, მაგრამ სამედიცინო მომსახურების ხარისხიც განუზომლად მაღალია. ჩვენთანაც, ჩემი აზრით, ის სტატისტიკური მონაცემები შესაბამისია იმასთან, რა მასშტაბის ჯანდაცვის სისტემაც გვაქვს და რამდენი ექიმიც გვყავს.

20 ათასამდე ექიმი გვყავს საქართველოში. მოქმედი, აქტიური ექიმი 12 ათასია და აქედან 67-ს შეუჩერდა სერტთიფიკატის მოქმედება. ეს საერთო რაოდენობის 1პროცენტიც არ არის. ჩემი აზრით, უფრო მეტი სამედიცინო შეცდომა ხდება, მაგრამ აქ უკვე ეფექტიანობის სისტემაზეა საუბარი. ყველას ვერ დასჯი, ძირითადად, მაინც სამედიცინო შეცდომის პრევენციაზე უნდა იყოს აქცენტი და არა რეაგირება ამ შეცდომაზე, რომ დავსაჯოთ ექიმი, შევუჩეროთ სერტიფიკატის მოქმედება, დავაყენოთ მისი დისციპლინური პასუხისმგებლობის საკითხი“, — აცხადებს ზოიძე.

ჯანდაცვის კომიტეტის თავმჯდომარე პრობლემიდან გამოსავალს დიპლომისშემდგომი განათლების კონცეფციის სრულყოფაში ხედავს და აცხადებს, რომ აუცილებელია ექიმის კვალიფიკაციის საკითხი მუდმივად გადამოწმდეს. „მთავარია, დიპლომისშემდგომი განათლების კონცეფციის სრულყოფა, რაც რამდენიმე წლის წინ გააუქმეს. ბოლოს ის კორუფციის ელემენტი იყო სისტემაში, მაგრამ დღეს არ შეიძლება და არც ერთ ქვეყანაში არ არის მსოფლიოში, რომ ერთხელ მივცეთ ექიმს სერტიფიკატი მთელი ცხოვრებით და შემდგომ არც განათლება დასჭირდეს, არც პროფესიული უნარ-ჩვევების ამაღლება. დღეს არ ხდება მისი პროფესიის გადამოწმება. არადა, ეს არის პირი, რომელსაც ყოველდღიურად უხდება ადამიანის სიცოცხლესთან შეხება.

საკითხის მოგვარება მთელ მსოფლიოში ან თვითრეგულირებით ხდება, ან სახელმწიფოს მეშვეობით. შესაბამისად, ჩვენთვის პრიორიტეტია პოსტ დიპლომირებული განათლების და პროფესიული განვითარების სისტემის სრულყოფა. ყოველ 5 წელიწადში იქნება თუ როგორ, ამაზე ასოციაციებთან და სამინისტროსთან ერთად ვიმუშავებთ. მთავარია, რომ მაქსიმალურად უზრუნველვყოთ განათლებული, პროფესიონალი ექიმები გვყავდეს, რომელთა ყველა ჩვევა შესაბამის სიმაღლეზე იქნება და არ მოგვიხდება სანქციების დაკისრება, სასამართლოში წასვლა და მათ შეცდომაზე ასე რეაგირებაზე. ამაზე მუშაობა დაწყებულია და ამ თვეში სამოქმედო გეგმის პრეზენტაციასაც გავაკეთებთ, თუ რაზე ვიმუშავებთ მომავალ წელს.

ჩვენი მიდგომა გულისხმობს გარკვეული ინტერვალით გამოცდების ჩატარებას, პრაქტიკული ან ქულების სისტემის ჩამოყალიბებას. ამის პრაქტიკა მსოფლიოში არის, სადაც ხდება სერტიფიკატის დადასტურება, რომ ექიმის უნარ-ჩვევები და კვალიფიკაცია კვლავ შეესაბამება იმ დონეს, რომელიც მას სჭირდება იმისთვის, რომ პაციენტის სიცოცხლე საფრთხეში არ ჩააგდოს.

სამინისტროსთან ერთად ვმუშაობთ კანონზე, ძალიან მასშტაბური კანონპროექტი იქნება, სადაც დელიკატური საკითხებიც შევა. 2000-იან წლებში იყო მსგავსი სისტემა, მაგრამ კორუფციის წყაროდ იქცა და იმის ნაცვლად, რომ სისტემა გაესწორებინათ, გააუქმეს. მომავალ წელს დიდი შანსია, რომ კანონიც გვქონდეს, მაგრამ ამისთვის პარლამენტმაც უნდა დაგვიჭიროს მხარი. ჩვენს სამოქმედო გეგმაში ეს საკითხი უკვე არის, ჯერი პარლამენტზეა“, — განაცხადა ზოიძემ.

Окт 06

1 აშშ დოლარის ოფიციალური ღირებულება 2.4792 ლარი გახდა

1 აშშ დოლარის ოფიციალური ღირებულება 2.4792 ლარი გახდა. ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარის ღირებულებამ 2.4792 ლარი შეადგინა. კურსი, რომელიც დღეს მოქმედებდა, 2.4687 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0105 ლარი შეადგინა.

რაც შეეხება ევროს, მისი კურსი 2.9143 ლარია. მაშინ, როცა დღეს მოქმედი კურსი 2.9071 ლარს შეადგენდა. შესაბამისად, ევროს ცვლილებამ 0.0072 ლარი შეადგინა.

დღევანდელი ვაჭრობის შედეგად მიღებული კურსები ხვალიდან შევა ძალაში.

Окт 06

საქართველოს პრეზიდენტი მმართველ გუნდს საკონსტიტუციო ცვლილებების საკითხზე 4 წინადადებას სთავაზობს

საქართველოს პრეზიდენტი გიორგი მარგველაშვილი და ოპოზიცია საპარლამენტო უმრავლესობას საკონსტიტუციო ცვლილებებთან დაკავშირებით ოთხ წინადადებას სთავაზობს.

როგორც ”ინტერპრესნიუსს” პრეზიდენტის საპარლამენტო მდივანმა ანა დოლიძემ განუცხადა, გადაწყვეტილება შეთავაზების შესახებ პრეზიდენტსა და ოპოზიციას შორის დღეს გამართულ შეხვედრაზე მიიღეს.

”დღეს ოპოზიციის და პრეზიდენტის შეხვედრა გაიმართა, რომელზეც შეთანხმება შედგა. ოპოზიციამ და პრეზიდენტმა მანამდე მიაღწია 6 პუნქტიან შეთანხმებას, თუმცა უმრავლესობასთან შეხვედრის შემდეგ, დღეს ოპოზიციამ და პრეზიდენტმა გადაწყვიტეს, რომ გადაედგათ კიდევ თანხმობის ნაბიჯი და გააკეთეს 4 შეთავაზება — ბონუსების აკრძალვა, საარჩევნო ბლოკების დაშვება, ანუ ორი საკითხი, რომელსაც ”ქართული ოცნება” ითხოვს, მესამე — პროპორციულ არჩევნებზე გადასვლა 2020-ში და მეოთხე შეთავაზება არის ის, რომ პრეზიდენტს პარლამენტი მაშინ აირჩევს, როცა ის იქნება ორპალატიანი, რაც ასევე იყო ვენეციის კომისიის რეკომენდაცია. ეს არის ოთხი ძირითადი ნაბიჯი თანხმობისკენ, რასაც ოპოზიცია და პრეზიდენტი სთავაზობს უმრავლესობას, რომ გათვალისწინებული იყოს ვეტოში. თუ უმრავლესობას კიდევ სხვა საკითხები სჭირდება, მაგალითად, რელიგიის თავისუფლების მუხლი, ოპოზიცია მზად არის, ამაზე ითათბიროს”, — განაცხადა ანა დოლიძემ.

Окт 06

კახა კალაძე პედაგოგებზე — ნებისმიერ ადამიანს აქვს უფლება ჩაერთოს საარჩევნო კამპანიაში სამუშაო საათების შემდეგ

ქართული ოცნების” თბილისის მერობის კანდიდატი კახა კალაძე საარჩევნო კამპანიაში პედაგოგების შესაძლო მონაწილეობის შესახებ გამოთქმულ კრიტიკას პასუხობს.

როგორც კახა კალაძემ განმარტა, ნებისმიერ ადამიანს აქვს უფლება ჩაერთოს საარჩევნო კამპანიაში და მიზანმიმართულად ხდება, რომ შეხვედრები სამუშაო საათების შემდეგ იგეგმება.

„რაც შეეხება პედაგოგებს, სხვადასხვა თანამშრომელს, ნებისმიერ ადამიანს აქვს უფლება ჩაერთოს საარჩევნო კამპანიაში, მოვიდეს ჩვენთან შეხვედრაზე. მიზანმიმართულად, ჩვენ შეხვედრებს 18:00 საათის შემდეგ ვმართავთ, რომ ყველა ადამიანს სამსახურის დასრულების შემდეგ ჰქონდეს შესაძლებლობა მოვიდეს, დაესწროს, გაეცნოს ჩვენს პროგრამას, ხედვებს, თუ რას ვაპირებთ მომდევნო 4 წლის განმავლობაში, როგორ ვაპირებთ ამა თუ იმ პროექტის განხორციელებას.

Окт 06

ლევან ჯანაშიას საქართველოს ადვოკატთა ასოციაციის თავმჯდომარეობის კანდიდატად 8 ოქტომბერს წარადგენენ

საქართველოს ადვოკატთა ასოციაციის თავმჯდომარეობის კანდიდატის, ლევან ჯანაშიას ოფიციალური წარდგენა 8 ოქტომბერს გაიმართება.
კანდიდატს თბილისის სახელმწიფო უნივერსიტეტის იურიდიული ფაკულტეტის ლექტორებისგან შემდგარი საინიციატივო ჯგუფი წარადგენს. ლევან ჯანაშია თსუ-ის იურიდიული ფაკულტეტის ლექტორია 2005 წლიდან, ხოლო საადვოკატო საქმიანობას 2004 წლიდან ეწევა. თავმჯდომარეობის კანდიდატი დამსწრე საზოგადოებას თავისი გუნდის საარჩევნო პროგრამას გააცნობს.

ღონისძიება 8 ოქტომბერს, 17:00 საათზე, ივანე ჯავახიშვილის სახელობის თბილისის სახელმწიფო უნივერსიტეტის პირველი კორპუსის სააქტო დარბაზის ფოიეში გაიმართება.

Окт 05

„თბილისობის“ დღესასწაულთან დაკავშირებით, ევროპის მოედანზე ტრანსპორტის მოძრაობა შეიზღუდება

„თბილისობის“ დღესასწაულთან დაკავშირებით ევროპის მოედანზე მოძრაობა შეიზღუდება, — ამის შესახებ განცხადებას თბილისის მერია ავრცელებს.
„თბილისობის“ დღესასწაულთან დაკავშირებით, 6 ოქტომბრიდან 8 ოქტომბრის ჩათვლით, ევროპის მოედანზე ავტოტრანსპორტის მოძრაობა შეიზღუდება. შესაბამისად, გორგასლის ქუჩიდან ევროპის მოედნის გავლით ბარათაშვილის ქუჩისკენ საზოგადოებრივი ტრანსპორტის გადაადგილების მარშრუტები დროებით შეიცვლება.
საზოგადოებრივი ტრანსპორტი გორგასლის ქუჩიდან მოძრაობას მტკვრის მარჯვენა სანაპიროზე გააგრძელებს, აუხვევს ხიდის ქუჩაზე, გაივლის ზაარბრიუკენის მოედანს, ტოლსტოისა და ხეთაგუროვის ქუჩებს, საიდანაც ბარათაშვილის ხიდს დაუკავშირდება“, — აღნიშნულია თბილისის მერიის მიერ გავრცელებულ განცხადებაში.

Сен 30

”საქართველოს რკინიგზა” — სამგზავრო მატარებლის მარშუტის მომზადებისას სავარაუდოდ, ქსელში მოხდა მოკლე ჩართვა

”საქართველოს რკინიგზის” ინფორმაციით, თბილისში რკინიგზის სადგურზე მომხდარი დაკვამლიანობის შედეგად არავინ დაშავებულა.
 სამგზავრო მატარებლის მარშუტის მომზადებისას სავარაუდოდ, ქსელში მოხდა მოკლე ჩართვა, რამაც გამოიწვია ნაპერწკლიანობა და მცირე დაკვამლიანება. 

მათივე ინფორმაციით, მომხდარის შედეგად არავინ დაშავებულა. მიმდინარეობს მოკვლევა.

Предыдущие сообщения «